QDP Ep 64: De Sole Obscurato (cum Anna Andresian)

Hoc in colloquio, Augustus et Iason, Iusto absente, cum amica Anna Andresian versantur et de sole obscurato colloquuntur.

Vidistisne obscurationem solis? Certiores nos faciatis aut hac in pagina (infra) aut pipiando (“tweeting”) @QDicitur–adicite #QDPod64.

De Defectu Solis (ab Anna scriptum):
Initium nunc facit luna solis obtegendi! Pars superior et ad dextram velum iam accepit. Etiam luna obstante sol luce sua gloriatur, nam se concelari nec scit nec flocci faceret si sciret. Sic se ipso contentus est, velut philosophus Stoicus. Spectatoribus non opus est ut maiestas valeat, nam maiestas ex luce ipsa procedit, non ex aliorum admiratione.

Etiam si sentimus lucem nostram esse aliis exstinctam, nobis fulgemus. Licet omnes in “via totalitatis” habeamus; nihilominus luce nostra gaudendum est, sive visa sive invisibili. Aliquando pars hominis ab aliis cernitur, aliquando nihil, aliquando totus homo. Utut res se habent, homo sibi integer est.

Sedes Annae: https://www.magistrula.com/


Creative Commons LicenseQuomodo Dicitur? Podcast: Episode 64 by Justin Slocum Bailey, Gus Grissom, and Jason Slanga is licensed under a Creative Commons Attribution-ShareAlike 4.0 International License.

Leave a Reply

Your email address will not be published. Required fields are marked *